Daar is baie baie baie staproetes en voetpaaie op die eiland. Ons het hier op een beland en so klein entjie met hom gestap. Dit was SO mooi! Hierbo is Pieter in 'n ou vervalle geboutjie wat lank terug 'n "lookout" was. Dit is al bietjie toegegroei, maar die uitsig van daar af (oor 'n baai en oor die see) is ongelooflik.
Die Duiwel se skoorsteen. Het my noggals aan die kangogrotte se liefdestonnel laat dink. Maar dit is gelukkig oop bo jou, en dis net so 15 meter lank. Mens moet maar mooi vashou om nie te gly op die mos en blare wat op die trappies is nie - en daardie handreling is VREK koud - maar jy klou daaraan soos nog iets!
Ek kom uit die skoorsteen uit.
Blaaskansie. Lyk dit nie vir julle soos Knysna nie?
Pragtige ou "light house" aan die suide punt van die eiland.
Ons was hier op Boxing day, so meeste van die plekke en besighede was toe. Maar die Steamer pub was propvol en dit was lekker jolig daar binne.
No comments:
Post a Comment