Ons huisie en rondom ons

Ons het in 'n private merina gebly so 10 min se ry buite die eiland se "hoofstad" Newport. Dit was perfek want dit was stil en rustig, maar naby genoeg aan die dorp en winkels. Die huise is ORAL vol kers liggies en alles lyk so mooi as mens in die donker rondry. (dis 4 uur die middag al donker). Daar was ook 'n groot ou wrak in die merina. Die tannie wat my hare gesny het later die week het my vertel dat sy 28 jaar terug hier kom "sokkie" het. Hulle het groot disco's op die steamer gehad in haar dae.



Te danke aan die vriende en veral die SA Gericke's wat so baie pakkies oorgestuur het, het ons 'n reuse vrag persente onder ons £1 kersboompie gehad.
En dit als vir net 3 mense!
Ek het heel toevallig die plekkie op die internet raakgesien en was baie bly om te sien dat hy nog beskikbaar was vir die week oor Kersfees. Ek wens ek kan daar bly en dat ek ook 'n mooi boot in die water voor die huis het.



Ons het natuurlik die kaggelvuur ten volle benut. Was so lekker!