Swem swem swem

Ons het lekker by die Hilton hotel gaan snorkel. Die hotel is OP die border tussen Egipte en Israel (aan Egipte se kant). As jy die foto hierbo bietjie groter maak sal jy sien daar staan Welcome to Israel.
As julle mooi kyk sal julle 'n baba walvis op een van die stoele sien le. Ons het soos royalty daar gele en ontspan. Die hilton was op daardie stadium toe omdat hulle iets aan die hotel doen , so daar is net so paar gaste hier en daar. Mens het basies al die geriewe, en jy hoef dit met niemand te deel nie.
Ekke met my "gear" - julle sal nie glo waar ek getan het nie!? Ek het so skuins streep op my VOET van die parravoet - dit lyk of ek met selftan lotian gespeel het, en bo my voete opgehou het!
Mooi view van die Hilton Hotel
Hier is die strand by ons oord - die Sea Star. Dit is 'n klein strandjie in die middel van nerens! Daar is sand ingery sodat dit darem soos 'n sand strand lyk, maar die HARDE realiteit tref mens as jy water toe stap. Klippies strand! En kombineer sonstrale van 40 grade en klippies en sagte kaal voetjies.... nie goed nie!!! Ons het egter erg lekker daar gele en relax en geswem en gesnorkel.
Daar is 'n ou vervalle jetty daar langs ons strand. Ons het daar ook gaan loer en dis waar ons die baie lionfish en inkvisse gesien het. Daar was ook 'n baracuda.
Pieter in sy snorkel outfit. Ons grootste "scare" vir die week in die water was toe Pieter op ons heel eerste duik homself moer toe geskrik het vir 'n helse blou ding reg agter hom. Dit was natuurlik toe sy eie parravoet se vin!!! Jou neut!

Ons tweede groot scare was toe ons 'n HAAI gesien het. Ons was 'n HELE ent van die strand af weg. Het al langs die rif afgeswem en toe...... *imagine jaws musiek* "Dudu...dudu....dududududududu eek eek eek!" Dit was die "scary-ste" plasiek sak wat ek nog OOIT gesien het!!!! Ek het die groot silwer ding in die water sien dryf, en ek dog toe...voodat jy nou paniek saai, kom ons kyk of hy 'n vin het wat bo die water is. En WRAGGIES! Daar is die vin wat bo die water beweeg. As dit nie was vir die feit dat ek alreeds in die see was nie, het ek myself net daar natgemaak!

Pieter het nie so groot soos ek geskrik nie want hy het gehoop dis maanvis. Sy verbeelding is darem nie so sterk nie, en hy sien toe dat dit 'n plastieksak is, met 'n blerrie glas coke bottel wat bo op die ding dobber. Die bottel was dus die vin wat ek gesien het.

Ons het nie lank genoeg daar gebly om te bevestig dat dit wel 'n plastieksak was nie...maar kom ons los dit maar daar.