Ons het Maandag aand redelik laat by ons Hotel in Taba aangekom. Ons kon nie wag om net te gaan slaap nie! Gelukkig was Pieter nog wakker genoeg om te sien dat daar ‘n trip Cairo toe vertrek die volgende oggend. 5 min later loop ons by die kantore uit met sommer 2 trips wat geboek is. (En is toe heelwat armer!) Die skok het egter gekom toe hulle vir ons se dat ons 5 uur al opgetel word!!! Ons het toe nou al reeds 2 ure dag verloor deur na ‘n ander tydsone toe te vlieg. So vir ons was dit soos om 3 uur in die nag opgetel te word! En wat dit NOG erger gemaak het was die feit dat dit die volgende dag dieselfde vroeg oggend gaan wees om Petra toe te gaan. L Gelukkig het ons geweet dit sal die moeite werd wees.

Ons het dus die Maandag daar aangekom, maar het die oord eers die Do in daglig gesien!!! Ons is in die oggende VROEG daar weg en het laat in die aande eers terug gekom. Die ander mense wat saam met ons die trips gedoen het kon nie glo dat ons vir 2 sulke lang trips in ‘n ry kans sien nie. Wel as ek ‘n keuse het, sal ek dit nie weer doen nie, maar in die naam van toerisme doen mens baie ongewone dinge! hehehe
Hulle het ons na 'n Egiptiese Parfuum plek toe geneem. Dit was erg interessant om te hoor hoe hulle dit maak. Het julle geweet dat meeste van die parfuum in die wereld se sleutel "geur" uit Egipte kom? Hulle verkoop die suiwer olie aan plekke soos Frankryk en hulle sit dan die chemicals en goed by en verkoop dit as parfuum. Ek en Pieter het elkeen vir ons 'n klein bottel van die olie gekoop. Die wat ons gekies het is van die min wat hulle nie uitvoer nie, en mens kan dit dus net in Egipte kry. Dit ruik erg lekker.

Hulle het daar ook vir ons 'n glas blaas demonstrasie gehad, om te sien hoe hulle die pragtige botteltjies maak. Dis die eerste keer dat ek sien hoe hulle glas blaas. Die outjie het lekker vir my gelag want ek dink ek het met my mond letterlik oop gesit en staar na hom toe hy dit doen. Dit was so interessant!

Dit was weird om die nommerplate ens te sien wat als in Arabies is!
Hierdie is natuurlik die hoogtepunt van die wereldbekende Cairo museum. Die soliede goue masker vat van Koning Tutankhamun se mummie af gekom het. Dit is ongelooflik om te sien watse weeldere en "beliefs" hulle gehad het. Die masker weeg iets soos 11kg, en dit is soliede goud!

Een van die shoppies wat die Ramadan lampe verkoop.

Ons was ook na 'n Papyrus fabriek toe. Hulle wys jou hoe maak hulle die papyrus en dan kan jy 'n paar stukke koop ook. Ek het vir my die ene hier bo gekry. Dit is 'n baie bekende beeld wat op die troon van koning Tutankhamun se troon is. Dit het 'n hele geskiedenis, maar ek sal eers weer moet gaan oplees waaroor dit presies gaan.
Queen Nefertiti.