Cairo en Piramides

Cairo was....ja wel...ek weet nie regtig nie... Ek is baie bly ek het gegaan...maar sal nie weer daarnatoe gaan nie. Daar is 25 MILJOEN mense wat in die stad bly. Nou neem in ag dat Londen omtrent 8 miljoen mense het... en selfs hier sukkel ons met vervoer ens. Kan jy jouself indink hoe lyk dit daar??? Daar is nie underground of bogrondse treine of busroetes nie. Die paaie is chaoties en almal ry net waar hulle wil.

Ons het 'n vroeg oggend vlug vanag Taba na Cairo gekry. Dit was effens duurder as die bus opsie, maar 2 ure op 'n vliegtuig in vergelying met 16 ure op 'n bus het dit die paar ponde ekstra die moeite werd gemaak. Dit was die weirdste vlugte. Dit is 'n charter airline met sulke "kots koetse" waamee mens vlieg. Almal op die vliegtuig het SO gelag want toe ons die middag terugkom het hulle ons so vinnig op die vliegtuig ingeprop en begin wegtrek dat daar skaars tyd was vir die koffie moffie om sy "safety anounement" te doen. Dit was so funny want hy het nog probeer vingers wys na die emergency exits toe - toe moet hy al hol om te sit want ons styg al op! Ek moet se dit was die naaste wat ek nog ooit aan 'n plane crash was - en ons het nog nie eers opgestyg nie! hehehe

In Cairo is daar HONDERDE, miskien duisende geboue wat net so staan en half verlate lyk. Daar is niks vensters of verf nie, en die kabels steek by die boonste vloer uit. Maar daar bly mense in! Dit het my heeltemal uitgefreak om te dink hoe mense in daai hitte in so gaatjie vir 'n huisie sal sit en daar is nie eers 'n venster nie!!! Maar mens sien tog sateliet skottels so hulle kyk darem TV. hehehe

Blykbaar betaal hulle nie erfbelasting as die gebou nie klaar gebou is nie. Dus hou hulle eenvoudig op bou, en dit lyk of daar nog 'n verdieping op moet kom ens.

Wel hier is die piramides in die agtergrond, en die Sfinks lanks Pieter.
Pieter gaan bietjie leeuloop!
Heirdie is onder by die Sfinks en van die piramides in die agtergrond. Ek moet erken...ek het meer verwag van die sfinks. Hy is glad nie so groot soos ek gedink het nie, maar dis nogsteeds cool om te sien! Ek het altyd gedink dis van ouderdom wat die ding se neus gebreek is - maar dit was toe Napoleon daar ingevaar het en begin bomme rondgooi het, wat die arme "dneus" in die stof gebyt het.
Hulle het ons na 'n uitkykpunt geneem so entjie van die piramides af sodat mens 'n mooi uitsig kan kry.