Petra

En daar is dit toe nou! Die kamele! Ek was baie temted om op 'n kameel te ry, maar ek het besluit ek sal nie die arme dier die onreg aandoen nie. Hierdie spesifieke kameel het coke uit die blikkie gedrink!
Hierdie is binne die groot kamer in die Treasury. Dis groot - seker 15 by 20 meter! Dit is perfek uitgekap uit soliede rots uit. Die kleure in die steen is AMAZING!!!
Mens loop vir 1.2 km deur 'n rotsskeur wat omtrent so 3 - 6 meter breed is. Dit het deur die jare al baie erosie gehad, maar dit is ongelooflik om te sien. Die kleure is so mooi! Rooi, pienk, bruin, geel en oranje. Dit is seker so 40 meter hoog, en bo dit sien mens die helder blou lug.
Na die lang loop word mens beloon met jou eerste "glimpse" van die "main attraction" - die Treasury. Dit is 'n ongelooflike oomblik om dit te sien, veral na jy so ver geloop het en die geskiedenis van die plek gehoor het.

Hier is ons voor die asemrowende Treasury. Dit is als uit een solide stuk berg uit gekap!! Dit is presies simetries en daar is nerens 'n foutjie nie! Die details is ongelooflik!!!
Een van die kant ingange van die Treasury. Julle moet in ag neem dat hierdie goed al omtrent 200 jaar BC gemaak is - en kyk hoe groot en fantasties is dit!!!
As mens deur die lang "skeur" geloop het en verby die Treasury, kom jy by die stad uit. Hulle het tot dusver 17 DUISEND grotte hier gekry. Dit is waar die Nebatian mense daaaai tyd in gebly het. Die grot se grootte hang af van die grootte van die familie. Hierdie wat julle hieronder sien was "tombs" vir die belangrike mense gewees. As julle mooi kyk sal julle sien dat daar aan die bokant van die kerwings goed is wat lyk soos stelle trappe. Daar is bo op die graf 2 stelle trappe. Die een is sodat die gode kan afloop en jou siel kom haal, en die ander is sodat hulle saam weer na die hemele toe kan oploop. Kyk hoe klein is die mense wat daar onderloop in vergelyking met die kerwings!!
8, ja AGT km later het ons darem weer by die bus uitgekom. Ek het gedink ek gaan dood! 8km in die bergagtige klip woestyn in 40 grade celcius is NIE grappies nie, veral nie as die terugkomslag opdraende is nie!!!!

Dit was nietemin verseker die moeite werd!!!