Ferry vanaf Egipte na Jordanie

Ons het die Woensdag 'n Trip geneem Jordanie toe om na die stad Petra te gaan kyk. Dit het VROEG oggend begin met 'n pickup van half 6 by ons hotel. Ons is toe na die Taba Marina geneem waar ons 'n ferry gekry het oor na Jordanie toe. Dit het 90 min geneem en dit was regtig 'n lekker trip.

Hier is Pieter met die koeldrank wat ons gekry het (check die Arabiese Fanta en Coke!)

Ons het in die stad Aqaba aangekom en daar is 'n helse groot vlag om jou welkom te heet. Die vlag het tot onlangs die wereld rekord gehou vir die hoogste vlagpaal in die wereld. Dit is iets soos 130m hoog en die vlag self is 30 meter lank. Dit is van suiwer sy gemaak en dit lyk so mooi!
Mens bevind jouself in 'n baie snaakse posisie as jy op hierdie ferry is... daar is een punt wat jy PRESIES in die middel van 4 LANDE is! Ons was reg in die middel van Egipte, Israel, Jordanie en Saudi Arabia se water. Dit was noggals cool om die als rondom jou te sien.

Hierdie is die Sinai berge - dit is baie mooi maar liewe ouers...ek wil nie elke dag daarna hoef te kyk nie. Dit is net klip en sand! Kyk hoe mooi blou is die water egter!
Hierbo is die InterContinental Hotel. Dit is so 10 km vanwaar ons oord was. Dis 'n nuwe oord wat 'n maand of wat terug eers oopgemaak het. Daar is oor die 500 kamers, en alles is baie baie luuks. Ons het egter die fout gemaak om een dag daarnatoe te gaan om te gaan snorkel. Hulle het ons nie mooi verduidelik hoe om in diep genoeg in die water in te kom om te gaan snorkel nie, en ek het myself op 'n tipe rif bevind in die vlak water en het myself op 'n paar plekke gesny, en ek het begin panic want ek kon nie weg daarvan kom nie. Ons het toe maar die res van die oggend op die strand, onder 'n sambreel gele en wag dat die taxi ons weer kom haal. Ek was baie bly om weer by ons ordinere strandjie uit te kom!