Egipte vakansie!

Van 18 - 25 Sept het ek en Pieter die voorreg gehad om in Egipte te gaan vakansie hou. Ons het in 'n plek genaamd Taba gegaan wat heel noord op die Sinai deel van Egipte is - reg bo in die golf van Aquaba. Die Rooi see split basies in 2 arms aan die bokant, die een deel eindig in die Seuz kanaal...ons was aan die ander kant.
Ons het in 'n baie oulike oord gebly, die Sea Star. Hier bo is 'n foto wat ons een aand geneem het. Omdat ons die eerste dag laat eers daar aangekom het, en die volgende 2 dae op trips was, het ons vir die eerste 3 dae net gesien hoe lyk die plek in die aand!

Ons is SO bly dat ons nie self daar hoef te bestuur het nie - sal jy weet waarnatoe om te ry as al die pad tekens soos hierdie ene hieronder lyk???

Die plek is in die middel van nerens. Nee regtig! Imagine voor die aarde geskep was...toe was daar niks. Nou imagine daardie niks...en gooi 'n paar klippe by. DIT is hoe dit daar lyk! Ons oord het letterlik 5 km weerskante toe niks om gehad nie. Dit is aan die voet van die Sinai berge (waar Moses opgegaan het om die gebooie te gaan kry) Die berge is regtig mooi om te sien...maar as jy nou al so 5 min daarna gekyk het dan raak dit ook maar boring want dit is NET klip berge waar jy kyk. Niks grassies of groenigheid nerens nie.
Hier kan julle mooi die een groo swembad sien met die seester in. Daar is 'n lekker "pool bar" daar in die middel. Die mense het in die WARM son hier gele heel dag lank. Ek kon nie glo dat van die mense nie DOOD is van so lank in die son le dag na dag nie! Hulle het vir ons vertel dat die son blykbaar 30% warmer is daar, as enige ander plek in die wereld. Terwyl ons daar was het die tyd na wintertyd toe verander (so dis nou eintlik winter), maar ons kon maklik 7 uur in die oggend al 'n tan kry, en jouself verbrand as jy nie oppas nie. Let op na die berge agter die geboue. Wat die plek wel so aantreklik maak, is die see en die ongelooflike seelewe.
Hier is die swembad wat nader aan ons kamer was. Ons het 'n grooot kamer op die grond vloer gehad. Jy maak net jou skuifdeur oop en dan is jy amper in die swembad.

Ons het 'n all inclusive deal gehad wat jy als by die oord verniet kry. Al jou etes, koeldrank EN alkohol was ingesluit. Nie dat dit regtig wow was nie....die kos was maar regtig boring, en die local drank was ok, maar nie great nie. Die Fanta was egter fantasties!!! Fanta proe mos anders hier in Engeland as in SA. Maar in Egipte proe dit soos SA fanta - ek was in die 7de hemel.

Daar was nie vreeslik baie entertainment nie, maar ons het een aand na die "bellydancing" show toe gegaan. My oe het amper uitgeval! Daai meisie het als behalwe haar "belly" geskud! Dit was glad nie ons idee van bellydancing nie.