My familie by die huis...

Dis nou hoogtyd dat van ons vakansie fotos op my blog sit... hier is so paar van my fandamily. Dis sleg om altyd so lank, so ver van hulle af weg te wees, en dit word nooit makliker om weg te gaan nie...maar dis nou maar een van daardie dinge wat mens net moet aanvaar en aanbeweeg.

Herman en Pieter by die Oliewenhuis in Bloem. Daar is 'n ou "merry-go-round" wat einlik 'n kunswerk is in die tuine. Pieter is nou in St 5, en Herman in St 7 - dis erg, want net nou die dag het ek hulle in die kerk ingedra toe hulle gedoop geword het!

Almal van ons - vir die eerste keer ooit is al die dogters en hulle partners bymekaar. Van links is Pieter, George, Liezel, Anelle, Ma, Ernest en Pa. Voor sit ek en die kids.
Anelle en Ernest. Hulle boer buite Kuruman en Anelle hou skool op die dorp. Anelle is 18 jaar ouer as ek.
Ek en die kids - Herman en Pieter is al amper net so lank soos ek.

Die 3 Faure susters. Ek Anelle en Liezel. Ek dink nog altyd dat my ma bietjie rondgeloop het in jaar jong dae - want Anelle het rooi hare en groen oe, Liezel het bruin hare en bruin oe, en ek het blonde hare en blou oe.....

ONS GESIN - Ma Pa en die 3 dogters.

Rounders in the park

Die hele maatskappy was gister middag toe vir Rounders in Green Park. Dit was kamstig 'n beloning vir ons harde werk - maar eintlik was dit net 'n verskoning om uit te kom en te gaan drink. Ons was geskok om te sien hoe droog die park was - ek het nog nooit gesien dat Londen so droog en geel is nie. Ongelukkig het die bal gebreek na so uur, en ons kon toe nie klaar speel nie. Dit was natuurlik toe die perfekte verskoning om toe verder in die pub te gaan sit. Ek is baie bly dat ek gekies het om eerder huis toe te gaan. Daar is van die ouens wat tot vanoggend 6 uur nog gesit en Jack Daniels shots gedrink het! Meeste van die kantoor het groot babelas, en hier word nie veel werk gedoen nie.



Stuart. Dit is nou die tipiese image van my kollegas. Speel speletjies, terwyl hulle syp! Hy is ons Business developer. Maar hy sit heeldag en speel games op sy rekenaar - veral pool games.



















Ons Verkoops Direkteur - dit is tipies hy - moan moan moan!













My baas se skoene - ons het gedink dis lekker snaaks.











Van links af: Matt, Tony en David. Matt was op 'n stadium my baas (en ek het flippen baie geld vir hom gemaak terwyl agteroor gesit het). Tony is die mees "image-bewuste" man wat ek ken. Hy straithen sy hare en gebruik meer roompies en "tan-lotions" as enige meisie wat ek ken - let wel: hy is NIE skeef nie! David is ons Direkteur - van management weet hy niks nie!









Hierdie is die presiese oomblik wat die bal gebreek het - Giles was eenvoudig TE sterk, en het die bal in sy bliksem in geslaan. Kyk sy gesig.












Dis nou Laura - sy is die office poppie. Sy het by die maatskappy begin werk as 'n receptionist toe sy 17 was. Sy is nou 25 en is by verre die "top biller". Sy doen op average so £40 000 se deals per maand. Sy verdien 'n kakhuis vol geld en het sopas nog 'n eiendom gekoop. Sy gaan deur staff soos ander mense deur toiletpapier gaan - niemand wil meer saam met haar werk nie. Sy voel 'n veer vir enige ander persoon en sal op haar kollegas trap om iets te kry. Die management dink natuurlik sy is die beste ding op aarde.












Ek en my baas, Sara. Sy is 'n stunning mens en dit is baie lekker om saam met haar te werk.





















My Windhoek kollega - Coenraad. Ons sit heeldag en aldag en klets in Afrikaans













Ekke in aksie - kyk hoe bang lyk ek vir die bal. hehehe.

Tan gone wrong...

Ons het so rukkie terug een dag so bietjie te veel tyd in die son spandeer en ek het nie TE goed daarvan afgekom nie. Gelukkig of sal ek se ongelukkig, het ek my groot sonbril aangehad, en net om dit gebrand. My neus was bloedrooi, en Nadia het my Panda beer gedoop omdat ek groot wit oe gehad het met sirkels rondom.

‘n WARM affere!

Ja wel…vir die van julle wat nie weet nie… dis vandag die warmste dag in London ooit! (moontlik) Hulle verwag dat dit bo 38 grade gaan word. Nou vir ons gewone SAners klink dit dalk nou nie SO erg nie. Maar julle moet darem in ag neem dat die mense hier nie “equipped” is vir hitte nie. Dit kan -10 wees in die winter en ons sal steeds almal lekker snoesig warm wees, maar hulle weet nie lekker hoe om die hitte te hanteer nie. Dit is ook ‘n ongelooflike bedompige hitte, so mens kry ‘n instant hoofpyn as jy buite is.



Hulle het 'n vlak 3 Heatwave waarskuwing uitgestuur en daar word verwag dat daar dalk sterftes onder veral oumense en kinders kan wees.

Dit was vanoggend reeds 27grade toe ek half 8 uit die huis uit gestap het.

Let me paint the picture more clearly….. die temperature op die busse kan vandag 52 GRADE CELCIUS bereik, en op die underground kan dit 48 GRADE word!!! Die mense het groot uitspraak daaroor gelewer, want daar is wette wat se dat diere nie eers vervoer mag word in omstandighede waar dit warmer as 27 grade is nie.

En dit koel ook nie regtig af deur die nag nie. Dit was laas nag 23 grade reg deur die nag.

Almal loop maar met hulle botteltjies water rond en vee maar die sweet af. Ons het gelukkig ‘n aircon in die kantoor – maar ek is ook nie aldag seker dat hy werk nie.

Hulle het ‘n artikel in die koerant vanoggend waar hulle wys hoe die strate in plekke smelt – this is some serious stuff!

Hoe verlang ek nou ons groot ou swembad in Dan Pienaar in Bloem! [En my kar (die yskas...hehehe) se aircon wat nooit behoorlik gewerk het nie]

Jussie julle!

Ek was die naweek SO trots op myself. hehehe

Ek het besluit ek gaan probeer lamb shank gaarmaak. Ek het dit nog nooit gedoen nie, en ek dink ek het dit nog net 1 of 2 keer gesien - maar Nigella (die chef) het dit so maklik laat lyk op die TV. En as sy dit kan doen...hoekom kan ek nie ook nie.

(let wel - hierdie kiekies het ek sommer van die internet af gekry - dis nie ons kos nie - ons besit nie sulke mooi borde of tafeldoeke of plekmatjies nie! hehehe)


Ek sal vir julle se...dit was HEERLIK! Die vleis het letterlik van die bene afgeval! Ek is oor die algemeen maar dom met vleis, en my vleisies is gewoonlik droog of taai - maar nie die keer nie! Ek en Pieter en Kristi het baie lekker geeet. Volgende keer sal ek net onthou om dit nie eers 7 uur in die aand te begin gaarmaak nie.

Eina!!!

Hoekom is dit so snaaks om te sien hoe ander mense seerkry?

hehehe!

Accidents

Ek dare jou om nie te lag nie!

Accidents

Friday Comedy

Who's Line Is It Anyway?


Kyk bietjie hierdie video as julle kans kry. Die van julle wat al gereeld Who's line gekyk het sal dit waardeer - ek het die spulletjie nog nooit so sien lag nie.

Camden Town

Dis darem maar altyd lekker om in Camden town te gaan rondloop. Ek en Pieter was nou al so baie keer daar, en elke keer is daar iets nuuts om te sien. Hulle is besig met 'n groot ontwikkeling om meer plek vir die stalletjies te maak. Dit is vreeslik kunstig en baie mooi. Daar is DUISENDE mense en ek is dankbaar dat ek nie "Claustrophobic" is nie. Alles is so kleurvol en vol lewe. Die punks is natuurlik ook 'n groot trek pleister. Maar deesdae is daar nie meer so baie punks soos in die verlede nie - ek dink daar is nou net TE veel mense wat hule teister.

Een van die baie kos stalletjies

Die Underground stasie
Ek en Lauren eet Chinese
Starbucks koffie by die kanaal.
Die locks by die kanaal
Dis hoe die mense lyk wat daar rondloop Imagine jou ma lyk so....hehehehe

Piekniek en Boot trip

Ons het Saterdag na die tog deur die paleis en tuine rustig in die piekniek area van die tuine gaan sit, en lekker piekniek gehou en so bietjie relax. Daarna is die doolhof "maze" aangedurf en al die bemanningslede het darem veilig teruggekeer nadat hulle so bietjie verlore geraak het. Dit is ongelooflik om te dink dat die maze al van 1702 daar is!

Daarna het ons 'n boot trip gedoen vanaf Hampton Court na Richmond. Dit was so lekker. Heerlik rustig en dis ongelooflik om te sien. Daar is die mooiste huise op die rivier oewer - wil nie eers dink wat hulle werd is nie!!! Daar is oral mense wat op hul bootjies rondvaar en daar was selfs 'n troue aan die gang op een van die eilandjies in die rivier. Dit was so mooi. Daar was 'n boodjie-dingetjie wat opgemaak was en mens kon sien dit was vir die bruidspaar bedoel. Hulle het oor die rivier aangekom. Die gaste was in hulle beste uitgevat en die vrouens het almal "hooftooisels" aangehad. Die bruid het vir ons gewaai en mens kon sien hulle is almal lekker besig om te party. Die hele eilandjie was opgemaak en versier en dit het so mooi gelyk.

Hier kan mens van die roeiers sien wat by ons verby gekom het. Daar was 'n hele paar dames spanne ook, en mens kon sien hulle oefen hard.
By die piekniek. Daar was groot mooi bome om ons en Duncan het ons vertel van die verskillende voeltjies wat daar rondgeloop het.
Hier sit ons op die boot - besig om deur 'n lock te gaan.
Piekniek kos
Sexy man op sy piekniek bersie! Sjoe - ek is darem maar gelukkig om so oulike kerel te he!
Pieter, Linda en Duncan. - Kyk hoe mooi lyk Linda met haar rooi hare!

Sonskyn Saterdae

Ons het die naweek weer na Hampton Court Palace toe gegaan. (Dis daar waar ons Tracy Chapman ook gaan kyk het) Die keer was ons daar om die mooi tuine te sien, en te gaan piekniek hou. Die weer het mooi saamgespeel en dit was 'n fantastiese dag.

Ek en Pieter was al vorige kere deur die paleis self, so ons het meer tyd in die tuine spandeer, terwyl die ander mense deur die groooot paleis met al sy mooi vertrekke geloop het.

Daar is ongelooflike blombeddings reg rondom die groot geboue.
Daar is 'n GROOOOT "arch" wat toegerank is. Ek skat hy is so 4 meter hoog, en omtrent 100 meter lank. Dit is so mooi!
Ekke deur die blare
Lauren voor die paleis en mooi tuintjies. Alles is so mooi uiteengesit
Voor die een deel van die paleis is daar 'n oop tuin met groot grasperke. Rondom dit, is daar vreeslike mooi blom beddings. Elkeen lyk anders - dit is amazing!
Pieter het ook agter 'n blommetjie uitgepop!
Een van die fonteine in die tuin. Ek was SO hartseer toe ons daar was. Daar was 'n baba eendjie wat sy ma verloor het, en die arme dingetjie het so verward daar rond geswem. Sy stemmetjie is seker nou nog seer van al die benoude piep geluide. Ek het bietjie later weer daarnatoe geloop, en toe was sy ma darem daar - die arme dingetjie het so naby sy ma gebly - dit het gelyk of hulle vas aanmekaar is! Ek wonder of mens 'n eend in 'n woonstel kan aanhou.....

Blomme en paleise!

Een van die privaat tuine langs die paleis - dit is SO mooi! Die wereld se oudste en grootste "grapevine" is ook hier. Dit is GROOT!
Ek en Pieter voor die privaat tuintjie
Pieter en die lelies
Een van die beddings in die roos tuin
Daar is oral sulke groot blombeddings en die een is net meer amazing as die vorige een. Ek kan nie eers dink hoeveel ure se werk daar in daardie tuine ingaan nie!
Hierdie blombedding het woorde op. Dit se God Save The Queen. Dit is SO goed gedoen, en lyk regtig stunning!
Inzooome Maria!

Gericke's en klein Gericke's

Pieter se broer (Louis) en sy vrou Portia het die afgelope naweek sy ouers geneem om die Stormers vs Bulls te gaan kyk op Loftes. Tannie Rina is 'n groot Bulle ondersteuner en Oom Bob skree vir die Stormers. Die Oom het sy vrou seker lekker gespot omdat haar span verloor het. Hou moed tannie - die Bloues sal hulle terugkry! Kyk hoe lekker sit hulle in die losie. *jaloers*
Louis en Portia se kleinding word elke dag net groter en ouliker! Kyk net al sy tande! (Tannie Liezel sal sorg dat hulle mooi na gekyk word)
Robert het met die verf blikke kennis gemaak!
Kyk hoe lekker le hy en slaap in die gang op sy speelding! Aaaaau!
Hoe kan so gesiggie nie mens se hart laat smelt nie!